GOVPH
MENU
  • 1 of 3 PCUP Caravan
  • 2 of 3 PCUP Privilege Card
  • 3 of 3 PCUP Adopt a Community

‘MALIGAYANG ARAW NG KALAYAAN’

12 Hunyo 2021

Nakikiisa ang Presidential Commission for the Urban Poor (PCUP) sa bawat Pilipino sa pagdiriwang ng ika-123 taong anibersaryo ng Araw ng Kalayaan ng Pilipinas na may temang ‘Diwa ng Kalayaan sa Pagkakaisa at Paghilom ng Bansa’.

Ating damhin at ipakita ang diwa ng kasarinlan sa espesyal at natatanging araw na ito.

Sabay-sabay at sama-sama nating gunitain ang araw na naging ganap na malaya ang ating bansa sa pagkakabilanggo sa mga dayuhan.

At nawa’y magsilbi ang araw na ito na isa ring pagpupugay sa mga ambag at tulong ng ating mga frontliners, na sa kabila ng pandemya ay patuloy na umaalalay sa ating lahat.

Isang mapagpalayang umaga sa inyong lahat at Maligayang Araw ng Kalayaan! ###

PCUP FODV, naghatid ng CBP sa mga UPO leaders at members ng La Vista HOA sa Samar

6AFF82AC 87D3 40DE 942C 3A1AFFFC4300

11 Hunyo 2021

Samar - Sa tulong ng Calbayog City Council for the Urban Poor Association (CCCUPA), muling nakapaghatid ng isang Capability Building Training (CBP) Training ang Presidential Commission for the Urban Poor (PCUP) – Field Operations Division for Visayas (FODV) para sa 25 na mga lider at miyembro ng Homeowners Association (HOA) sa La Vista Pensionne, Calbayog City, Samar na ginanap noong ika-29 ng Mayo.

Tampok sa naganap na pagsasanay ang Writeshop on PCUP Programs and Accreditation pati na ang pagbibigay kaalaman ukol sa pagtatala ng minutes of the meeting, paghahanda ng HOA Resolution at RA 9904, pagpaparehistro sa Department of Human Settlement and Urban Development (DHSUD) at GAD Orientation.

Samantala, pagkatapos ng oryentasyon ay binahagian din ng mga hygiene kits ang lahat ng mga dumalo sa aktibidad bilang proteksyon ng mga ito laban sa COVID-19 virus.

Patuloy namang isinusulong ni PCUP Chairman at CEO, Usec. Alvin S. Feliciano ang pagsasagawa ng mga kaparehong programa at aktibidad upang makapagbigay ng kaalaman at kasanayan sa mga maralitang tagalungsod tungo sa maunlad na pamumuhay ng mga ito. ###

via | PCUP Visayas

PCUP, buo ang suporta sa 2nd anniv ng 4Ps ng DSWD

May be an image of one or more people and text

11 Hunyo 2021

Nakikiisa ang Presidential Commission for the Urban (PCUP) sa pamamagitan ni Chairperson at CEO, Usec. Alvin S. Feliciano sa pagdiriwang ng Department of Social Welfare and Development (DSWD) ng kanilang 2nd Year Anniversary celebration of the Institutionalization of the Pantawid Pamilyang Pilipino Program (4Ps), sa bisa ng Republic Act No. 11310, o mas kilala bilang 4Ps Act na may temang “SaMa SaMa Sa Matatag at Sa Matagumpay na Pamilyang Pilipino!”
 
Dinaluhan ni Ms. Grace Eusebio de-Polonia—PCUP Participatory Governance Unit Focal Person ang isang linggong selebrasyon na ito na nagsimula noong ika-07 hanggang ika-11 ng Hunyo. ###
 
via | PCUP PGU

PCUP National Health Forum 2021, matagumpay

May be an image of 1 person and standing

11 Hunyo 2021

Bilang kasagutan sa mga usapin sa kalusugan lalo na patungkol sa COVID-19, naglunsad ngayong araw, Hunyo 11 ang Presidential Commission for the Urban Poor (PCUP) ng isang National Health Forum para sa mga PCUP-accredited Urban Poor Organizations (UPOs) pati na rin sa mga empleyado ng Komisyon.
 
Layon ng naturang programa na magbigay impormasyon sa mga maralitang tagalungsod ukol sa isyu ng kalusugan at mga katanungang medikal lalo na sa usaping COVID-19 at magsilbing daan upang maipakilala ang mga programang pangkalusugan at serbisyo ng pamahalaan.
 
Umabot sa mahigit 340 Zoom participants ang nakilahok sa forum na binubuo ng mga Urban Poor Leaders sa NCR, Luzon, Visayas at Mindanao pati na rin ang mga opisyales at empleyado ng PCUP.
 
Naging highlight ng programa ang pagpapakilala sa ‘E-Tanong Mo Kay DOK!’ na isang online consultation initiative ng PCUP para sa maralitang tagalungsod sa pangunguna ng resident Physician ng PCUP na si Doctora Henedina Dela Cruz.
 
Pangunahing layunin nito na magbigay ng libreng atensyong medikal sa sektor ng maralita na nagnanais magpakonsulta ng kanilang karamdaman sa pamamagitan ng pagpapadala ng mensahe sa Official Facebook page ng Komisyon.
 
Bukod dito, tinalakay din sa pulong ang COVID 19 vaccine at post-care vaccination, at ang presentasyon ng MALASAKIT Center Program ng Department of Health (DOH),Assistance to Individuals in Crisis Situation (AICS) ng Department of Social Welfare and Development (DSWD), at ang Online Application para sa Medical Assistance Program ng Philippine Charity Sweepstakes Office (PCSO).
 
Bago magtapos ang programa, nagkaroon din ng open forum para sa mga katanungan ng mga lumahok.
 
Ngayong panahon ng pandemya, patuloy na nagsasagawa ng mga kahalintulad na oryentasyon ang Komisyon para sa maralitang sektor, ayon na rin sa direktiba ni Chairman at CEO, Usec. Alvin S. Feliciano upang makapagbigay ng mas malinaw na impormasyon na magagamit ng mga urban poor, lalo’t higit sa usapin ng medikal at pangkalusugan. ###
 
via | PCUP Health Unit

PCUP ResU, kinamusta ang kalagayan ng Northville 12 sa Pampanga

May be an image of one or more people and people sitting

11 Hunyo 2021

Pampanga - Nagtungo kahapon, Hunyo 10 ang Presidential Commission for the Urban Poor (PCUP) – Resettlement Unit (ResU) sa bayan ng Santo Tomas, Pampanga upang kumustahin ang kalagayan ng Northville 12 na isa sa mga pabahay na ipinatayo para sa mga Informal Settler Families (ISFs) na naapektuhan ng PNR Railway Project sa nasabing bayan.
 
Sa pamamagitan nina Mr. Jesse Jacildo, Ms. Grace Anne Correa, at Ms. Olive Quintero—PCUP ResU personnel, nakipag-usap at nagbigay ng courtesy call ang PCUP sa Opisina ng Punong-bayan ng Sto. Tomas, Pampanga, Hon. Gloria P. Ronquillo. Dito ay ipinaliwanag sa Acting Municipal Administrator Carolina Mercado ang iba’t-ibang mga programa ng PCUP para sa mga maralitang tagalungsod lalo na para sa mga pamilyang nailipat sa relocation sites. Nabangit ni Ms. Mercado ang kalagayan ng kanilang dalawang pabahay at kung anu-anong mga serbisyo ang naisakatuparan para sa mga residente ng mga pabahay.
 
May be an image of 7 people and people standing
 
Matapos nito ay nagtungo na ang PCUP ResU sa Northville 12, Barangay San Vicente na kung saan ay nakadaupang-palad nito ang mga lider ng Homeowners Association at ang mga opisyales ng barangay. Isinagawa ng PCUP ResU ang profiling at site inspection upang alamin ang kalagayan ng nasabing pabahay.
 
Naipabatid din sa naturang asosasyon ang mga programa at serbisyo ng Komisyon tulad ng Capability Building Programs (CBPs), PCUP Caravan, at pakikipagdayalogo sa iba’t-ibang mga ahensya ng pambansang pamahalaan upang makatugon sa pangangailangan ng mga maralitang komunidad.
 
Ayon kay PCUP Chairman at CEO, Usec. Alvin S. Feliciano, mahalaga na kahit nasa panahon ng pandemya ang bansa ay natututukan pa rin ang kalagayan ng mga pamilyang nasa relocation sites kaya naman ay patuloy na sinusuyod ng PCUP ang mga komunidad ng maralita upang magbigay ng mga programa na magiging kapaki-pakinabang. ###
 
via | PCUP Resettlement Unit
  1. Leadership and Organizational Management training, muling isinagawa ng PCUP FOD-NCR via Zoom
  2. PCUP FODL, nagsagawa ng consultation meeting isang HOA sa Meycauayan, Bulacan
  3. Pre-Mid-Year Performance Assessment and Action Planning for FY 2021 ng PCUP RPMD, matagumpay
  4. 1st public consultation ukol sa pagtatyo ng Creek Wall Protection sa ilog ng Darangan, dinaluhan ng PCUP FODL