'PCUP: UPSW 2021'
Samahan ang Presidential Commission for the Urban Poor (PCUP) sa darating na Disyembre 07, 2021 para sa isang masaya at makahulugang pagdiriwang ng Urban Poor Solidarity Week o UPSW na may temang "Ika-Tatlumpu’t Limang Taon ng Makabuluhang Paglilingkod; Malasakit, Kaisa’t Kaagapay ng Maralita."
Ang selebrasyon ay mismong pangungunahan ni PCUP Chairperson at CEO, Usec. Alvin S. Feliciano kaisa ang mga Commissioners ng Komisyon na sina Comm. Norman B. Baloro, Comm. Randy H. Halasan, Comm. Romeo H. Jandugan, at Comm. Melvin P. Mitra gayundin ng mga hepe ng bawat Field Operations Divisions (FODs) ng PCUP.
Tampok sa gawaing ito ang pagsasama-sama ng mga urban poor leaders sa buong panig ng bansa na naglalayon na mas mapagtibay pa ang ugnayan ng mga maralitang tagalungsod patungo sa mga ahensya ng gobyerno at mga non-government organizations.
Isa rin sa mga highlight ng aktibidad ang mga mensahe ng suporta para sa mga maralitang tagalungsod at mga programa’t serbisyo ng PCUP, gayundin ang mga naging aksyon at inisyatiba ng Komisyon para matugunan ang problema ng kagutuman, kawalan ng hanapbuhay at edukasyon na kinaharap ng mga kababayang Pilipino lalo na sa panahon ng pandemya.
Ang programa ay opisyal na magsisimula sa ganap na ika-1:00 hanggang 4:00 ng hapon na puwedeng mapanood via Facebook live sa PCUP Official Facebook page: https://www.facebook.com/PCUPOfficial
Kaya't makibahagi at makisaya sa UPSW 2021! Kita-kits! ###
PCUP FODM, nanguna sa isang pulong ukol sa pre-evacuation ng 30 ISFs sa Luna Extension, Digos City
03 Disyembre 2021
Isang Coordination Meeting ang pinangunahan ng PCUP-Field Operations Division for Mindanao (FODM) sa pamamagitan ni Engr. Homer A. Atanoza—PCUP Area Coordinator nitong Disyembre 02 sa opisina ni Mr. Fidel Franco—Relocation Dite Development Program Manager ng Provincial Government of Davao del Sur, Digos City.
Ito ay isinagawa ng Komisyon, sa pangunguna ni PCUP Chairperson at CEO. Usec. Alvin S. Feliciano, upang mapag-usapan at masigurado na dadaan sa tamang proseso ang pre-evacuation ng 30 Informal Settler Families (ISFs) sa may Luna Extension, Digos City na maaapektohan ng Road-right of way clearing operations.
Tinalakay ni Engr. Atanoza ang mga aktibidad at programa na idadaos ng Komisyon kabilang na ang selebrasyon ng Localized Urban Poor Solidarity Week (UPSW) na gaganapin sa nasabing lungsod, at Accreditation Caravan at Livelihood Trainings naman sa Matanao at Bansalan. ###
via | PCUP Mindanao
43 maralita, nakiisa sa Accreditation Caravan ng PCUP FODL sa Dinalupihan, Bataan
03 Disyembre 2021
Aabot sa 43 lider-maralita ang nakiisa sa Accreditation Caravan ng PCUP-Field Operations Division for Luzon (FODL) kahapon, ika-02 ng Disyembre.
Ang PCUP, sa ilalim ng pamumuno ni Chairperson at CEO, Usec. Alvin S. Feliciano ay palaging katuwang ng mga maralita sa hangarin na maiangat ang antas ng pamumuhay ng mga ito.
Sa nasabing programa, ipinaliwanag ng Komisyon ang kahalagahan ng pagbubuo ng samahan ng maralitang sektor na maglalayon sa pagpapalakas ng kanilang hanay.
Kabilang din sa highlight ng programa ay ang talumpati ni Hon. Ma. Angela S. Garcia, Mayor ng Dinalupihan, kung saan pinuri niya ang mabuting hangarin ng PCUP at ipinahayag ang kanyang buong pagsuporta sa mga susunod pang hakbangin nito para sa mga maralita ng Dinalupihan. ###
via | PCUP Luzon
100 katao, lumahok sa localized UPSW celebration ng PCUP FODM sa Pagadian
03 Disyembre 2021
Nasa 100 na mga maralitang tagalungsod na kasapi ng ibat-ibang samahan sa Pagadian City ang nagkaisa at aktibong nakilahok sa idinaos na lokal na selebrasyon ng Urban Poor Solidarity Week (UPSW) 2021 sa pangunguna ng PCUP-Field Operations Division for Mindanao (FODM) na ginanap sa City Mayor’s Executive Function Hall, Lungsod ng Pagadian, kahapon, ika-02 ng Disyembre.
Ayon kay PCUP Chairperson at CEO, Usec. Alvin S. Feliciano, ang selebrasyon ng UPSW ay ipinagdiriwang bilang tugon ng Komisyon sa pagkakakaisa at pagkakabit-bisig ng mga maralitang tagalungsod para sa isang matatag, maginhawa at panatag na buhay.
Nakiisa rin sa programa ang mga opisyal at representante mula sa ahensya ng DOLE, TESDA, SHFC at MEDIALINK na isang non-government organization upang mapag-usapan at mabigyan ng tugon ang mga isyu at problemang kinakaharap ng mga asosasyon at mabigyan ng akses para sa programang pabahay, livelihood, employment, scholarship, at skills training.
Nagbigay naman ng buong suporta ang lokal na pamahalaan ng Pagadian sa ilalim ng liderato ni Mayor Samuel S. Co na nirepresenta ni Councilor Fernando T. Pameron—Committee Chair on Human Rights and Urban/Rural Poor.
Samantala, naging matagumpay ang nasabing aktibidad sa pangangasiwa ni Ms. Bessie Mae M. Tronco—FODM Assistant Chief and Supervising Area Coordinator katuwang ang Urban and Rural Poor Affairs Office (URPAO) sa pamumuno ni Mr. Benjamin G. Solivio—URPAO Chief.
Masaya naman na nagtapos ang programa dahil na rin sa pa-raffle ng Komisyon kung saan 45 sa mga kalahok ang nakatanggap ng food packs na may laman na pang noche buena packages at 45 na kalahok rin ang nakatanggap ng COVID-19 protection kits. ###
via | PCUP Mindanao
40 miyembro ng Talisay Hope Village HOA, dumalo sa CBT on Braided Rug and Potholder Making, GAD ng PCUP FODV
03 Disyembre 2021
Nasa 40 miyembro ng Talisay Hope Village Homeowners Association ang naging benepisyaryo ng isang Capability Building Training (CBT) on Braided Rug and Potholder Making na may kasama pang Gender and Development Orientation ng PCUP – Field Operations Division for Visayas (FODV) na ginanap sa GK Hope
Village Activity Center, Barangay Cabatangan, Talisay City, Negros Occidental katuwang ang Talisay Housing Authority, sa pangunguna ni Atty. Pacifico M. Maghari III.
Ang patuloy na paghahatid ng mga CBPs sa komunidad ng maralita ay isa sa mga binibinyang importansya ni PCUP Chairperson at CEO, Usec. Alvin S. Feliciano upang mabigyang kapasidad ang sektor ng mahihirap sa mga bagay na may kinalaman sa kanilang interes at pag-unlad.
Samantala, bukod sa skills training at oryentasyon, nakatanggap din ng mga starter kits at health kits ang mga dumalo. ###
via | PCUP Visayas