MENU
  • 1 of 3 PCUP Caravan
  • 2 of 3 PCUP Privilege Card
  • 3 of 3 PCUP Adopt a Community

88EB8D53 033C 475B B01B EBC753C4E286

17 Setyembre 2021

Personal na tinungo ng PCUP – Field Operations Division for NCR (FOD-NCR), sa pamamagitan ni Mr. Lucito Mallari—PCUP NCR Area Coordinator ang Samahan ng Mamayan Block 15 at 25 sa Barangay Addition Hills, Mandaluyong City ngayong araw, Setyembre 17 upang magsagawa ng monitoring activity para sa mga urban gardens sa lugar.

Isa ito sa mga aktibidad na isinasagawa ng Komisyon, sa pangunguna ni PCUP Chairman at CEO, Usec. Alvin S. Feliciano katuwang ang Department of Agriculture – Bureau of Plant Industry (DA-BPI) upang magtaguyod ng programang urban agriculture sa Kalakhang Maynila bilang tugon sa negatibong epekto ng pandemya sa maralitang tagalungsod.

Samantala, para sa pagsasaayos pa ng mga urban gaderns o gulayan ng samahan, magbibigay ng karagdagang suplay ng mga gamit sa paghahalaman ang BPI. ###

via | PCUP NCR

43D79915 1EA4 4512 A67E D6FB1DDE1F26

17 Setyembre 2021

Matagumpay na nai-turn over ng Department of Labor and Employment (DOLE) –NCR katuwang ang Presidential Commission for the Urban Poor (PCUP) ang P300,000.00 halaga ng bigas sa Bagong Tatag ISIPANAWEL kahapon Setyembre 16, sa pangunguna ng presidente nito na si Mr. Alex Escobal ng Barangay Addition Hills, Mandaluyong City bilang bahagi ng Serbisyong Pangkabuhayan Program.

Ito ay sa pamamagitan ng patuloy na pakikipag-ugnayan ni PCUP Chairman at CEO, Usec. Alvin S. Feliciano sa iba’t ibang ahensya ng pamahalaan upang ilapit ang mga maralitang tagalungsod para sa angkop na tulong at serbisyo kaisa ang Opisina ni PCUP Commissioner-in-Charge for Livelihood Randy H. Halasan at ng PCUP Livelihood Unit, sa pangunguna ni Ms. Rosemarie Makimkim na patuloy ang pag-eendorso ng mga maralitang tagalungsod upang maging benepisyaryo ng programa.

Samantala, kabilang din sa mga dumalo sa aktibidad ang mga kinatawan mula sa DOLE NCR sa pangunguna ni Ms. Mary Ann Teneza, PESO Mandaluyong, Mr. Jojo Blanco—Head, UPAO Mandaluyong City, at Mr. Lucito M. Mallari—PCUP NCR Area Coordinator. ###

via | PCUP NCR

12F56F6E 68DF 4739 9572 359583CC4452

17 Setyembre 2021

Matapos makumpleto ang mga kinakailangang dokumento at proseso ng akreditasyon ay malugod na tinanggap ng sampung urban poor organizations (UPOs) mula sa Caloocan City ang kanilang Certificate of Accreditation ngayong araw, Setyembre 17 na iginawad ng PCUP – Field Operations Division for NCR sa pamamagitan nina Ms. Merlyn Sunga at Mr. Benildo Latorre—PCUP NCR Area Coordinators.

Bahagi ito ng PCUP mass accreditation na isinusulong ni PCUP Chairman at CEO, Usec. Alvin S. Feliciano upang mas mapalawak pa ang hanay ng mga maralitang samahan sa bansa na accredited ng Komisyon para sa mas mabilis na akses sa mga programa at sersbisyo ng PCUP pati na rin ng iba pang sangay ng pamahalaan.

Kabilang sa mga UPOs na tumaggap ng nasabing sertipiko ay ang mga sumusunod:
1. Mabini Lapu-lapu Neighborhood Association Inc. – A. Mabini St., Sto. Nino D, Barangay 178, Camarin, Caloocan City
2. Diamond Nectar Homeowners Association, Inc. – 1801 Saint Peter St., CBY Barracks II, Barangay 186, Tala, Caloocan City
3. Golden Beads Homeowners Association Inc. - CBY Barracks II Barangay 185-186, Caloocan City
4. Salvation Homeowners Association Inc. - CBY Barracks II, San Simon St. Barangay 186, Caloocan City
5. Sapphire Homeowners Association Inc. - Purok 6 CBY Barracks 2, Barangay 185, Malaria Caloocan City
6. Barrinna Homeowners Association Inc. - 2006 Santrans Rd. Barracks 2, Barangay 186, Tala, Caloocan City
7. Nagsamba Homeowners Association Inc. - #2613 Malaria, Purok VI Barangay 185, Caloocan City
8. San Simon Homeowners Association, Inc. - CBY Barracks ll Barangay 186, Zone 16 Dist. 1, Tala, Caloocan City
9. Samahang Walang Katulad sa Riverside Inc. - Block 24, Lot 15, Robes 1, Barangay 175, Camarin, Caloocan City
10. Sony Compound Neighborhood Assn. Inc. - Sony Compound, Calamansian St., Barangay 177, Caloocan City

Samantala, nagpabatid naman ng kanilang buong pusong suporta at partisipasyon sa mga programa ng PCUP ang mga bagong akredit na samahan partikular na sa iniluunsad na National Urban Poor Assembly (NUPA) ng Komiyson. ###

via | PCUP NCR

DC378C4C A92A 4696 956D 78673E431797

17 Setyembre 2021

Aktibong nakibahagi sa isinagawang Livelihood and Income Restoration Program (LIRP) Workshop ang Presidential Commission for the Urban Poor (PCUP) – Field Operations Division for Luzon (FODL) kahapon, ika-16 ng Setyembre. Ito ay bilang paghahanda sa implementasyon ng mga programang pangkabuhayan para sa mga pamilyang apektado ng North-South Commuter Railway Extension (NSCR-Ext.) Project sa Lungsod ng Cabuyao, Laguna.

Ang pakikibahaging ito ng Komisyon sa mga kahalintulad na aktibidad at mga pulong ay isa sa mga patuloy na itinutulak ni PCUP Chairman at CEO, Usec. Alvin S. Feliciano upang tiyakin ang maayos at ligtas na kapakanan ng mga maralitang kababayan na apektado ng demolisyon o ebiksyon.

Ang naturang pulong ay dinaluhan ng mga ahensya na miyembro ng Local Inter Agency Committee – Cabuyao ang LIRP Workshop kung saan detalyadong tinalakay ang mga programang pangkabuhayan na maaaring ibigay sa mga pamilyang naapektuhan ng patuloy na pagsasaayos ng NSCR-Ext. Project.

Iminungkahi naman ng PCUP na tingnan ang mga posibleng hadlang sa pag-avail ng mga livelihood programs gaya ng distansya o layo ng mga training centers sa mga lugar na tinitirhan ng mga apektadong pamilya para sa TESDA Scholarship Program gayundin ang iba pang mga probisyon na maaring ipagkaloob ng mga livelihood providers tulad ng load allowance upang makibahagi sa mga online training, transportasyon, at starter kit allowance para sa face-to-face training.

Sinisiguro naman ng PCUP ang patuloy at aktibo nitong partisipasyon sa mga LIAC meetings para sa ikatatagumpay ng mga proyekto at para sa ikabubuti ng pamumuhay ng mga maralitang tagalungsod. ###

via | PCUP Luzon

CE2E1DD7 C62D 4D28 A39D 786CB19689B8

17 Setyembre 2021

Nasa 20 na mga opisyales at miyembro ng Sun Communities 1 HOA, Inc. ang nakilahok sa isinagawang Capability Building Program (CBP) Training on Organizational Management ng PCUP – Field Operations Division for Visayas (FODV) noong ika-05 ng Setyembre sa Ocaña Elementary School, Proper Ocaña, Carcar City, Cebu.

Ito ay pinangunahan nina Ms. Edith A. Arellano at Mr. Argelito A. Guiritan—PCUP Visayas Area Coordinators na nagsilbing mga tagapagsalita at tumalakay ng iba’t ibang mga paksa kabilang na ang Organization and its Components, Organizational Structure, Dynamics of an Organization at ang Community Mortgage Program (CMP).

Ang mga aktibidad na ito at iba pang kahalintuald na programa ay patuloy na isinusulong ni PCUP Chairman at CEO, Usec. Alvin S. Feliciano nang sa gayon ay mabigyan ng mas malawak na oportunidad ang mga maralitang tagalungsod sa mga bagong kasanayan at kaalaman na makapag-aangat sa antas ng pamumuhay ng mga ito. ###

via | PCUP Visayas