MENU
  • 1 of 3 PCUP Caravan
  • 2 of 3 PCUP Privilege Card
  • 3 of 3 PCUP Adopt a Community

6AFF82AC 87D3 40DE 942C 3A1AFFFC4300

11 Hunyo 2021

Samar - Sa tulong ng Calbayog City Council for the Urban Poor Association (CCCUPA), muling nakapaghatid ng isang Capability Building Training (CBP) Training ang Presidential Commission for the Urban Poor (PCUP) – Field Operations Division for Visayas (FODV) para sa 25 na mga lider at miyembro ng Homeowners Association (HOA) sa La Vista Pensionne, Calbayog City, Samar na ginanap noong ika-29 ng Mayo.

Tampok sa naganap na pagsasanay ang Writeshop on PCUP Programs and Accreditation pati na ang pagbibigay kaalaman ukol sa pagtatala ng minutes of the meeting, paghahanda ng HOA Resolution at RA 9904, pagpaparehistro sa Department of Human Settlement and Urban Development (DHSUD) at GAD Orientation.

Samantala, pagkatapos ng oryentasyon ay binahagian din ng mga hygiene kits ang lahat ng mga dumalo sa aktibidad bilang proteksyon ng mga ito laban sa COVID-19 virus.

Patuloy namang isinusulong ni PCUP Chairman at CEO, Usec. Alvin S. Feliciano ang pagsasagawa ng mga kaparehong programa at aktibidad upang makapagbigay ng kaalaman at kasanayan sa mga maralitang tagalungsod tungo sa maunlad na pamumuhay ng mga ito. ###

via | PCUP Visayas

May be an image of one or more people and text

11 Hunyo 2021

Nakikiisa ang Presidential Commission for the Urban (PCUP) sa pamamagitan ni Chairperson at CEO, Usec. Alvin S. Feliciano sa pagdiriwang ng Department of Social Welfare and Development (DSWD) ng kanilang 2nd Year Anniversary celebration of the Institutionalization of the Pantawid Pamilyang Pilipino Program (4Ps), sa bisa ng Republic Act No. 11310, o mas kilala bilang 4Ps Act na may temang “SaMa SaMa Sa Matatag at Sa Matagumpay na Pamilyang Pilipino!”
 
Dinaluhan ni Ms. Grace Eusebio de-Polonia—PCUP Participatory Governance Unit Focal Person ang isang linggong selebrasyon na ito na nagsimula noong ika-07 hanggang ika-11 ng Hunyo. ###
 
via | PCUP PGU

May be an image of one or more people and people sitting

11 Hunyo 2021

Pampanga - Nagtungo kahapon, Hunyo 10 ang Presidential Commission for the Urban Poor (PCUP) – Resettlement Unit (ResU) sa bayan ng Santo Tomas, Pampanga upang kumustahin ang kalagayan ng Northville 12 na isa sa mga pabahay na ipinatayo para sa mga Informal Settler Families (ISFs) na naapektuhan ng PNR Railway Project sa nasabing bayan.
 
Sa pamamagitan nina Mr. Jesse Jacildo, Ms. Grace Anne Correa, at Ms. Olive Quintero—PCUP ResU personnel, nakipag-usap at nagbigay ng courtesy call ang PCUP sa Opisina ng Punong-bayan ng Sto. Tomas, Pampanga, Hon. Gloria P. Ronquillo. Dito ay ipinaliwanag sa Acting Municipal Administrator Carolina Mercado ang iba’t-ibang mga programa ng PCUP para sa mga maralitang tagalungsod lalo na para sa mga pamilyang nailipat sa relocation sites. Nabangit ni Ms. Mercado ang kalagayan ng kanilang dalawang pabahay at kung anu-anong mga serbisyo ang naisakatuparan para sa mga residente ng mga pabahay.
 
May be an image of 7 people and people standing
 
Matapos nito ay nagtungo na ang PCUP ResU sa Northville 12, Barangay San Vicente na kung saan ay nakadaupang-palad nito ang mga lider ng Homeowners Association at ang mga opisyales ng barangay. Isinagawa ng PCUP ResU ang profiling at site inspection upang alamin ang kalagayan ng nasabing pabahay.
 
Naipabatid din sa naturang asosasyon ang mga programa at serbisyo ng Komisyon tulad ng Capability Building Programs (CBPs), PCUP Caravan, at pakikipagdayalogo sa iba’t-ibang mga ahensya ng pambansang pamahalaan upang makatugon sa pangangailangan ng mga maralitang komunidad.
 
Ayon kay PCUP Chairman at CEO, Usec. Alvin S. Feliciano, mahalaga na kahit nasa panahon ng pandemya ang bansa ay natututukan pa rin ang kalagayan ng mga pamilyang nasa relocation sites kaya naman ay patuloy na sinusuyod ng PCUP ang mga komunidad ng maralita upang magbigay ng mga programa na magiging kapaki-pakinabang. ###
 
via | PCUP Resettlement Unit

May be an image of 6 people, screen and text

11 Hunyo 2021

Muling nagsagawa ng pagsasanay hinggil sa Leadership and Organizational Management ang Presidential Commission for the Urban Poor (PCUP) – Field Operations Division for NCR (FOD-NCR) para sa mga miyembro at lider ng iba’t ibang Urban Poor Organizations (UPOs) mula sa Muntinlupa City na ginanap kahapon, Hunyo 10.
 
Ito ay pinangunahan ni Mr. Wilfredo E. Olaco—PCUP NCR Area Coordinator na siyang nagbahagi ng mga kaalaman tungkol sa nabanggit na paksa.
 
Ang aktibidad na ito ay bahagi ng Capability Building Program (CBP) ng PCUP, sa ilalim ng pamumuno ni Chairman at CEO, Usec. Alvin S. Feliciano na naglalayong makapagbigay ng mga bagong kaalaman sa mga komunidad ng maralita na makatutulong sa pagpapaunlad ng kanilang mga samahan na kinabibilangan. ###
 
via | PCUP NCR

May be an image of 2 people

10 Hunyo 2021

Bulacan - Naging makabuluhan ang pagtungo ng Presidential Commission for the Urban Poor (PCUP) – Field Operations Division for Luzon (FODL) sa Barangay Iba, Meycauayan, Bulacan upang magsagawa ng isang consultation meeting kasama ang mga lider at miyembro ng Dakilang Samahan ng Hulo Ibaba na ginanap noong ika-09 ng Hunyo.
 
Isinagawa ang nasabing pulong upang maidulog ng samahan ang kanilang suliranin hinggil sa banta ng demolisyon at ebiksyon na kung saan ay may tinatayang 140 pamilya ang maaapektuhan.
 
Sa pangangasiwa ni PCUP Luzon Area Coordinator, Mr. Ju-Arthur Celiz ay binigyang linaw niya ang mga karapatan na mayroon ang bawat residente sa usapin ng demolisyon pati na rin ang mga maaaring gawin sa oras na ibenta ng nagmamay-ari ang lupa.
 
Ipinaliwanag din niya na kailangang dumaan sa tamang proseso ng pagpapaalis ang mga magdedemolish sakaling ang mga maaapektuhang pamilya ay hindi kusang aalis sa kinatitirikan ng kanilang mga kabahayan.
 
Bukod dito, ibinahagi rin sa samahan ang probisyon na isinasaad sa ilalim ng Section 28 ng Republic Act 7279 o UDHA at ang proseso ng Pre-Demolition Conference (PDC) para masiguro ang isang makatao at naaayon sa batas na pagpapaalis sa mga maralita o mga maituturing na “underprivileged and homeless citizens”.
 
Sa ilalim ng pamumuno ni PCUP Chairman at CEO, Usec. Alvin S. Feliciano ay patuloy ang pagsasagawa ng mga kaparehong aktibidad upang masiguro na nababantayan ang karapatan ng maralitang sektor sa usapin ng paninirahan. ###
 
via | PCUP Luzon