MENU
  • 1 of 3 PCUP Caravan
  • 2 of 3 PCUP Privilege Card
  • 3 of 3 PCUP Adopt a Community

30 Hunyo 2022

Nagkaroon ng joint ocular inspection ang PCUP – Field Operations Division for Luzon kasama ang Lokal na Pamahalaan ng Puerto Princesa, Palawan noong Hunyo sa Barangay Langogan kaugnay ng iminungkahi nitong venue para sa gaganaping PCUP Mini Caravan sa lugar sa darating na Setyembre.
 
Ang nasabing barangay ay isa sa mga pinakamalubhang naapektuhan nang nanalasa ang Bagyong Odette sa Palawan. Dahil dito, inalam ng PCUP ang iba pang kinakailangan ng mga maralita sa lugar upang matugunan at maibigay ang angkop na serbisyo at programa para sa kanila. Napag-alaman na water system ang higit na kinakailangan ng mga residente.
 
Isa pa sa kinakailangan ng mga residente ay housing materials dahil maraming kabahayan ang nasira bunsod ng nagdaang bagyo. Hiniling din nila na mailapit ang serbisyong medikal sa lugar kaya’t nais ng mga ito na magkaroon ng medical at dental mission. Nangangailangan din ang kanilang komunidad ng mga animal dispersal projects.
 
Sinamantala na rin ng mga residente na ilapit sa Komisyon ang kanilang hiling na magkaroon ng livelihood training partikular na sa handicraft making o paggawa ng mga kagamitan gamit ang raw materials na mayroon sa kanilang lugar—rattan at kawayan. ###
 
via | PCUP Luzon