CBP on Rug Making, isinagawa ng PCUP FODV sa Bago City
15 Oktubre 2021
Nagsagawa ng isang Capability Building Training on Rug Making para sa 30 miyembro ng Asosasyon Sang Binipersaryo Agraryo Sang Bago (ASBAC) ang PCUP – Field Operations Division for Visayas (FODV) noong Setyembre 22 sa Bago City.
Sa pahayag ni PCUP Chairman at CEO, Undersecretary Alvin S. Feliciano, sinabi niya na patuloy na nagsasagawa ng mga pagsasanay ang PCUP sa mga komunidad ng maralita upang magbahagi ng karagdagang mga kasanayan na makatutulong sa mga ito na makapagtayo ng negosyo ngayong panahon ng pandemya.
Naisakatuparan ang nasabing aktibidad sa pamamagitan ng suporta nina Hon. Jovito M. Gahaton; Punong Barangay ng Ma-ao, Bago City; CPDO Bago Head, Engr. Edwin V. De Nicolas at UPAHO Head, Engr. Si Deny L. Millevo, pati na rin ang Pangulo ng FEBCABS na si Mr. Danilo Carinal. ###
via | PCUP Visayas
CBP, Oryentasyon ukol sa PCUP isinagawa ng PCUP ResU sa isang resettlement site ng Balagtas, Bulacan
15 Oktubre 2021
Muling binisita ng PCUP – Resettlement Unit (ResU) ang mga residente ng Northville 6A, Barangay Pulong Gubat, Balagtas, Bulacan upang magsagawa ng isang Capability Building Program (CBP), sa pangunguna nina PCUP ResU Area Coordinators, Ms. Grace Anne Correa at Ms. Olive Quintero kasama si PCUP ResU Monitoring Officer, Ms. Amihan Adriano na nagbahagi ukol sa iba’t-ibang mga programa ng Komisyon upang patatagin ang mga samahan ng maralita at mapaunlad ang kanilang kabuhayan.
Ani PCUP Chairman at CEO, Usec. Alvin S. Feliciano, bahagi ang naturang aktibidad ng insiyatiba ng Komisyon upang magbahagi ng mga bagong kaalaman at kasanayan sa mga maralitang tagalungsod na kanilang magagamit sa pagkakaroon ng negosyo lalo na sa panahon ng pandemya.
Dito ay tinuruan ang mga kalahok ng paggawa ng empanda at buchi, sa pamamagitan ni Ms. Rosana Recio na isang TESDA Accredited Trainor.
Sa pagtatapos ng pagsasanay ay nagpaabot ng kanilang pasasalamat ang mga residente sa PCUP at TESDA sa pagbibigay sa kanila ng pagkakataon na matuto ng bagong kaalaman at mabigyan sila ng starter kits para sa panimula ng kanilang pangkabuhayan. ###
via | PCUP Resettlement Unit
PCUP ResU, nangamusta sa kalagayan ng 2 resettlement sites sa Sn. Fernando, Pampanga
15 Oktubre 2021
Dinayo ng PCUP – Resettlement Unit (ResU), sa pangunguna nina Ms. Amihan Adriano—PCUP ResU Monitoring Officer, kasama sina Ms. Olive Quintero at Ms. Grace Anne Correa—PCUP ResU Area Coordinators ang Northville 14, Barangay Calulut at Northville 14A, Barangay Malpitic, San Fernando, Pampanga noong Oktubre 13 upang kumustahin ang kalagayan ng mga maralitang tagalungsod na nasa mga relocation sites.
Ayon kay PCUP Chairman at CEO, Usec. Alvin S. Feliciano, layunin ng aktibidad na ito na malaman ang kasalukuyang sitwasyon ng mga residente sa mga pabahay at matukoy ang mga suliraning kinakaharap ng mga ito para sa angkop na solusyon at serbisyo.
Dito ay nakausap ng PCUP ang ilan sa mga pinuno ng mga nasabing pabahay, gayundin ng mga kawani ng pamahalaang lokal. Natukoy rito ang mga naging hakbangin ng pamahalaan upang mapaunlad ang kabuhayan ng mga residente roon. Bukod dito, nagkaroon din ng oryentasyon ukol sa mga programa ng PCUP upang matulungan ang mga residente na magkaroon ng maayos at organisadong samahan.
Samantala, sa mga susunod na araw ay patuloy na makikipagdiyalogo ang PCUP ResU sa iba pang mga pabahay at relokasyon upang magbigay ng sapat at akmang mga programa. ###
via | PCUP Resettlement Unit
PCUP, DWSD IV-A naggawad ng SLP financial assistance sa 15 benepisyaryo mula sa Tanay
15 Oktubre 2021
Sa pangunguna ng Department of Social Welfare and Development (DSWD) Region IV-A at ng PCUP – Resettlement Unit (ResU), sa pamamagitan nina PCUP Livelihood Unit Head, Ms. Rosemarie Makimkim at ni Ms. Eunice Teodoro—Livelihood Officer, kasama sina PCUP ResU Area Coordinators, Mr. Noli Madeja at Mr. Mark Pangilinan gayundin ng Pamahalaang Lokal ng Tanay, Rizal ay naging matagumpay ang paggawad ng Sustainable Livelihood Program (SLP) financial assistance sa 15 benepisyaryo nito na mula sa Southville 10, East Shine Residences, Tanay Ville at Hauzeville na ginanap nito lamang Oktubre 13.
Ito ay naisakatuparan sa pamamagitan ng patuloy na pakikipag-ugnayan ni PCUP Chairman at CEO, Usec. Alvin S. Feliciano sa iba’t ibang mga ahensya ng pamahalaan gayundin ni PCUP Supervising Commissioner for Luzon Randy H. Halasan na siya namang nangunguna sa pag-eendorso ng mga maralitang tagalungsod sa DSWD para maka-avail ng naturang programa.
Bukod dito ay nagbigay rin ng oryentasyon ang PCUP tungkol sa pagpapaunlad ng napiling negosyo ng mga residente at ang mga isasagawang monitoring activities ng DSWD at ng PCUP sa kanila.
Lubos namn ang pasasalamat ng mga benepisyaryo sa PCUP, DSWD at Pamahalaang Lokal ng Tanay dahil sa patuloy na pagbibigay ng tapat na serbisyo para sa kanilang pangangailangan. ###
via | PCUP Resettlement Unit
PCUP ResU, nagsagawa ng profiling sa 2 resettlement sites ng Apalit at Manalin, Pampanga
15 Oktubre 2021
Pinaunlakan ng mga pinuno ng Northville 10, Barangay San Vicente, Apalit at ng Northville 11, Barangay San Isidro, Minalin gayundin ng National Housing Authority (NHA) – Pampanga District Office ang isinagawang profiling activity ng PCUP – Resettlement Unit (ResU), sa pangunguna nina PCUP ResU Monitoring Officer, Ms. Amihan Adriano at ResU Area Coordinators, Ms. Olive Quintero at Ms. Grace Anne Correa para sa mga maralitang tagalungsod na nasa mga pabahay na ginanap noong ika-12 ng Oktubre.
Ayon kay PCUP Chairman at CEO, Usec. Alvin S. Feliciano, ang patuloy na pangangasiwa ng Komisyon sa mga profiling sa iba’t-ibang pabahay ng pamahalaan ay may layuning makabuo ng komprehensibong mga programa na magpapabuti sa kalagayan ng mga maralitang tagalungsod lalo na sa panahon ng pandemya.
Dito ay natukoy ng PCUP ang mga suliranin na kinakaharap ng mga residente mula nang sila ay mailikas sa mga nasabing pabahay sa probinsya ng Pampanga. Ang mga pinuno ay nagkuwento rin ng kanilang mga karanasan upang mabuo ang kanilang samahan at mapanatili ang kaayusan sa kanilang relokasyon. ###
via | PCUP Resettlement Unit