CBP on Fundamentals on Land Ownership, pinangunahan ng PCUP FODL sa Dasmariñas
23 Hulyo 2021
Dasmariñas - Sa patuloy na pagbibigay ng Capability Building Program (CBP) Trainings ng Presidential Commission for the Urban Poor (PCUP) sa mga maralitang tagalungsod, isa muling pagsasanay ukol sa Fundamentals on Land Ownership ang pinangasiwaan ng Field Operations Division for Luzon (FODL) katuwang ang Lokal na Pamahalaan ng Dasmariñas, Cavite kahapon, ika-22 ng Hulyo.
Ang nasabing programa ay dinaluhan ng ilang residente mula sa magkakaibang barangay ng Dasmariñas, Cavite. Sa pangangasiwa nina FODL Officer-in-Charge, Mr. Robert U. Bonifacio katuwang sina FODL Area Coordinators, Ms. Catherine J. Paculdo at Ms. Maria Jessica V. Martinez ay nabigyang kaalaman ang mga dumalo hinggil sa mga klase at mga proseso sa ng pagmamay-ari ng lupa batay sa kwalipikasyon ng mga ito. Binigyang linaw rin dito ang mga proseso sa pagbawi at paglipat ng pag-aari o titulo ng lupa.
Dagdag pa rito, nagsagawa rin ng Basic Orientation Seminar (BOS) ang Komisyon upang ipakilala ang mandato, programa, at mga serbisyong patuloy na ibinababa nito para sa mga maralitang tagalungsod gayundin ang pagtalakay sa Republic Act 9262 o mas kilala bilang Violence Against Women and Their Children (VAWC) sa pamamagitan ng isang Audio-Visual Presentation.
Ang programang kagaya nito ay patuloy na isinusulong ng Komisyon sa pangunguna ni PCUP Chairman at CEO, Usec. Alvin S. Feliciano upang bigyang kaalaaman ang mga maralitang tagalungsod hinggil sa karapatan ng mga ito pati na sa usapin ng paninirahan at iba pang aspeto. ###
via | PCUP Luzon
Ground Breaking Ceremony ng ₱3.7 Billion Socialized Housing Project, tinunghayan ng PCUP FODV
23 Hulyo 2021
Ginanap noong ika-22 ng Hunyo ang Ground Breaking Ceremony ng ₱3.7 Billion Socialized Housing Project sa ilalim ng Private Public Partnership (PPP) sa pagitan ng PMI Corporation at ng Lapu-Lapu City Government para sa mga Informal Settler Families (ISFs) ng Lapu-Lapu City.
Kung matatandaan, nasa 25 hektaryang lote sa Barangay Canjulao ang inireserba ni dating Pangulong Gloria Macapagal Arroyo bilang Socialized Housing Project Site sa bisa ng Presidential Proclamation No. 346.
Samantala, idinaos naman ang pirmahan ng naturang kasunduan noong ika-21 ng Hunyo 2021 kasabay ng City’s 60th Charter Day.
Daan-daang mga Informal Settler Families (ISFs) naman na nakatira sa mga baybayin ng Lapu-Lapu City at mga miyembro ng sektor ng maralita ang siyang magiging benepisyaryo ng nasabing proyekto.
Ayon kay PCUP Chairman at CEO, Usec. Alvin S. Feliciano, mas pinaiigting ng Komisyon ang pagbibigay ng tulong sa mga kababayang maralita lalo na sa usapin ng pabahay. ###
via | PCUP Visayas
'PCUP MINI-CARAVAN. DARATING NA SA IRIGA CITY!'
23 Hulyo 2021
Muli na namang maghahatid ng pinagsama-samang serbisyo mula sa mga ahensya ng pamahalaan at pribadong sektor ang PCUP Mini Caravan ngayong darating na Hulyo 28 sa Iriga City!
Ihahatid ng PCUP Mini-Caravan ang mga sumusunod na serbisyo:
1. City Health/CDRRMO/CPDO – Medical Mission
2. DOLE – Livelihood Opportunities, Business Capital, Employment Opportunities
3. DTI – Information Dissemination ukol sa kanilang mga programa at serbisyo
4. Philippine Army/Philippine Navy – Assistance in Medical Mission at Free Haircut Services
5. DSWD Region V/CSWDO – Social Services at Livelihood
6. PAO – Legal Assistance
7. TESDA – Scholarship Programs at Free Haircut Services
8. PSA/Local Civil Registrar – Correction of Entries on Credentials
9. Philippine Air Force – Provision of Fabricated Trash Bins
Tiyak na ikatutuwa ninyong lahat ang handog naming mga serbisyo at programa. ###
5 DAYS TO GO! Kita-kits!
PCUP-ResU, tumungo sa Northville 7 upang maghandog ng CBP: TESDA skills
22 Hulyo 2021
Tinungo ng Presidential Commission for the Urban Poor (PCUP) Resettlement Unit sa pamamagitan nina Mr. Daniel Ramirez—PCUP ResU Unit Head kasama sina Ms. Grace Anne Correa at Ms. Olive Quintero—Area Coordinators ang Northville 7 na isang pabahay ng National Housing Authority sa Bayan ng Guiguinto, Bulacan nitong Hulyo 20.
Isinagawa nila rito ang PCUP Capability Building Program (CBP) na kung saan ay kanilang iprinesenta ang mga programa ng Komisyon at ang proseso ng akreditasyon upang maging ganap na accredited Urban Poor Organization (UPO) ang HOA ng Northville 7.
Nakasama rin sa pagsasanay si Ms. Rosanna Recio ng TESDA-Bulacan upang pagkalooban ng Community-Based Skills Training na chocolate molding ang mga kalahok.
Bago matapos ang pagsasanay ay pinagkalooban ang mga kalahok ng starter kits at modules sa napili nilang kasanayan. Ito ang kanilang magiging paunang kapital sa pangarap na negosyo.
Ang aktibidad katulad nito ay patuloy na isinasagawa ng Komisyon, ayon na rin sa direktiba ni PCUP Chairperson at CEO, Usec. Alvin S. Feliciano upang mabigyan ng kaalaman ang mga urban poor mula sa mga relocation sites ng iba’t-ibang uri ng community-based skills training para makagawa ng munting negosyo sa napili nilang produkto. ###
via | PCUP Resettlement Unit
CBP: TESDA Community-based Skills Training, pinanguhan ng PCUP-ResU sa Northville 1, Valenzuela
22 Hulyo 2021
Muling nagkaloob ang Presidential Commission for the Urban Poor (PCUP) Resettlement Unit (ResU) ng isang PCUP Capability Building Training: TESDA Community-based Skills Training para sa residente ng Northville 1 nitong Hulyo 21.
Para sa panimula ng programa, binigyan ng maikling oryentasyon nina Mr. Daniel Ramirez—PCUP Resettlement Unit Head at Ms. Grace Anne Corea—Area Coordinator ang mga residente ng nasabing pabahay sa mga programa at serbisyong handog ng Komisyon.
Isa sa mga ito ay ang Capability Building Program (CBP) na may layunin na mabigyan ng kaalaman ang mga maralitang tagalungsod sa iba’t ibang aspeto ng pagpapaunlad ng kanilang pamayanan. Para sa araw na ito, dagdag kaalaman para sa pangkabuhayan ang handog ng PCUP ResU.
Nakasama muli ng PCUP ResU si Ms. Rosanna Recio na isang TESDA Community-based Skills Trainer na naghatid ng pagsasanay sa paggawa ng chicken galantina at chicken nuggets.
Aktibong nakilahok ang mga residente habang nagbibigay si Ms. Recio ng mga tips para maging masarap at gawing tunay na balik-balikan ang kanilang food products ng kanilang mga customers.
Natapos ang programa sa pagbibigay ng PCUP ResU ng starter kits at modules sa mga kalahok na residente ng Northville 1, Lungsod ng Valenzuela.
Ang aktibidad katulad nito ay patuloy na isinasagawa ng Komisyon, ayon na rin sa direktiba ni PCUP Chairperson at CEO, Usec. Alvin S. Feliciano upang mabigyan ng kaalaman ang mga urban poor mula sa mga relocation sites ng iba’t-ibang uri ng community-based skills training para makagawa ng munting negosyo sa napili nilang produkto. ###
via | PCUP Resettlement Unit