PCUP FODL, nakipagpulong sa CSJDM-LGU para sa gaganaping localized UPSW celebration dito
15 Disyembre 2021
Nakipag-ugnayan kahapon, Disyembre 14 ang PCUP-Field Operations Division for Luzon (FODL) sa City of San Jose del Monte, Bulacan-LGU para sa gaganaping Local Urban Poor Solidarity Week (UPSW) Celebration sa naturang lungsod.
Ayon kay PCUP Chairperson at CEO, Usec. Alvin S. Feliciano, ang selebrasyon ng UPSW ay ipinagdiriwang bilang tugon ng Komisyon sa pagkakakaisa at pagkakabit-bisig ng mga maralitang tagalungsod para sa isang matatag, maginhawa at panatag na buhay.
Batay sa isinagawang koordinasyon ng FODL sa Housing and Homesite Regulation Office (HHRO), sisikapin nilang nasa ayos ang ilang paghahanda para sa pagdadausan ng aktibidad. Samantala, patuloy rin ang pakikipag-ugnayan ng FODL sa mga partner-agencies nito. ###
via | PCUP Luzon
PCUP FODL, nagbaba ng CBP on GAD sa Federation of Burgos NA
15 Disyembre 2021
Bilang pakikiisa ng Komisyon sa kampanya na pigilan ang karahasan sa kasarian, nagbaba ng isang Gender and Development Training ang PCUP-Field Operations Division for Luzon (FODL) para sa mga kasapi ng Federation of Burgos Neighborhood Association noong ika-13 ng Disyembre.
Ang Komisyon, sa ilalim ng pamumuno ni PCUP Chairperson at CEO, Usec. Alvin S. Feliciano ay nakikiisa sa pakikipaglaban sa karahasang ito sa pamamagitan ng pagpapakalap ng impormasyon sa pamamagitan ng mga aktibidad tulad nito.
Samantala ay tinalakay sa programa ang reyalidad ng kaarahasan na dinaranas ng maraming kababaihan dahil sa kanilang kasarian na maaaring sa porma ng pisikal, sikolohikal o sekswal kabilang ang pagbabanta o panggigipit na posibleng maganap sa pampubliko o pribadong lugar. ###
via | PCUP Luzon
PCUP FODL, nagsagawa ng Accreditation Caravan sa CSJDM, Bulacan
15 Disyembre 2021
Matagumpay na isinagawa ng PCUP-Field Operations Division for Luzon (FODL) ang Accreditation Caravan nitong Disyembre 14 sa City of San Jose del Monte, Bulacan kung saan tinatayang nasa 45 lider-maralita ang nahikayat na sumailalim sa proseso ng akreditasyon.
Ang naturang inisyatiba ay patuloy na itinutulak ni PCUP Chairperson at CEO, Usec. Alvin S. Feliciano upang magtaguyod ng mas malawak na hanay ng maralitang samahan na accredited ng Komisyon para sa mas mabilis na akses sa mga programa nito at ng iba pang ahensya ng pamahalaan.
Sa pangunguna ni Mr. Ju Arthur Celiz—Area Coordinator for Bulacan, ipinaliwanag sa mga pinuno ang mandato, programa, at serbisyo ng Komisyon para sa mga maralitang tagalungsod gayundin ang mga benepisyo at katungkulan ng mga akreditadong urban poor organization (UPO).
Maliban dito, nagkaroon din ng kaunting diskurso tungkol sa kani-kanilang mga isyu sa samahan na maaaring mapaabutan ng tulong ng PCUP partikular sa panlipunang paghahanda o social preparation. ###
via | PCUP Luzon
PCUP FODL, nagsagawa ng CBP: Organizational Development, Magna Carta for HOA sa Sampaguita, Purok 3, Brgy. San Luis, Baguio
15 Disyembre 2021
Lubos na pasasalamat ang ipinaabot ng mga maralitang residente ng Sampaguita, Purok 3, Bgy. San Luis, Baguio City sa isinagawang Capability Building Program (CBP) ng PCUP-Field Operations Division for Luzon (FODL) na tumalakay sa paksang Organizational Development at Magna Carta for Homeowners and Homeowners Association.
Buo ang suporta ng mga lider ng mga maralitang tagalungsod sa adbokasiya ni PCUP Chairperson at CEO, Usec. Alvin S. Feliciano upang mapalakas ang sektor ng mga maralita sa pamamagitan ng pagsasagawa ng mga pagsasanay kaugnay nito.
Bukod sa isinagawang pagsasanay, nagpahayag din ng kagustuhan ang mga lider ng samahan na magkaroon pa ng iba pang livelihood training tulad ng Soap Making o alin man na maaaring makatulong upang magkaroon ng karagdagang mapagkakakitaan.
Samantala, hinikayat ng mga kawani ng PCUP sa pamamagitan nina Wilfredo Siena, Pamela Bianca, at Lord Cedie Subia—Area Coordinators na maging bahagi ang naturang samahan at dumaan sa proseso ng akreditasyon upang kilalanin bilang lehitimong maralitang samahan o accredited urban poor organization (UPO) ng Komisyon.
via | PCUP Luzon
#PCUPatyourService
#WalangForeverNaMahirapSaTaongNagsusumikap
#PCUPOfficial
25 PCUP-endorsed TESDA scholars, ginawaran ng starter kits on gardening
15 Disyembre 2021
Nasa 25 scholars mula sa mga maralitang samahan sa Linamon, Lanao del Norte na inendorso ng PCUP – Field Operations Division for Mindanao (FODM) ang nagawaran na ng kanilang toolkits mula sa TESDA Lanao del Norte Province matapos sumailalim sa kursong Produce Organic Concoctions and Extracts (Leading to Organic Agriculture Production NC II) nito lamang Nobyembre 18 na dinaluhan ni PCUP Supervising Area Coordinator for Region X, Mr. Carlito G. Echavez.
Ayon kay PCUP Chairperson at CEO, Usec. Alvin S. Feliciano, nais ng PCUP na mabigyan ng mas malaking oportunidad ang sektor ng maralitang tagalungsod sa libreng edukasyon na makapagbibigay sa kanila ng mga bagong kaalaman at kasanayan upang magkaroon ng hanapbuhay o pagkakakitaan lalo na sa gitna ng pandemyang kinakaharap ng bansa.
Dumalo rin sa distribusyon ng mga nasabing toolkits sina TESDA Lanao del Norte Provincial Director, Noralaine R. Rasul, Ph.D at ang administrator ng Green Thumb Organic and Skills Training Center, Inc. na si Dr. Isandra Rose M. Pernitez.
Samantala, ang mga inendorsong scholars ay nagtapos ng kanilang pagsasanay noong ika-20 ng Oktubre sa ilalim ng Special Training for Employment Program ng TESDA. ###
via | PCUP Mindanao