PCUP FODV naggawad ng Certificates to Fully Paid Socialized Housing Program para sa 61 pamilya
14 Disyembre 2021
Bilang parte ng localized Urban Poor Solidarity Week (UPSW) 2021 celebration ng PCUP-Field Operations for Visayas (FODV), ay naggawad ito ng Certificates to Fully Paid Socialized Housing Program Beneficiaries na ginanap nitong Disyembre 07 sa Peoples Hall, Talisay City Hall.
Ayon kay PCUP Chairperson at CEO, Usec. Alvin S. Feliciano, ang selebrasyon ng UPSW ay ipinagdiriwang bilang tugon ng Komisyon sa pagkakakaisa at pagkakabit-bisig ng mga maralitang tagalungsod para sa isang matatag, maginhawa at panatag na buhay.
61 na benepisyaryo nito ay mula sa mga susmusunod na urban poor organizations (UPOs) na:
1. Libo Little Island HOA, Inc.
2. Villa Sta. Cruz HOA, Inc
3. Ler's high subdivision HOA, Inc.
4. St. Arnold Janssen HOA, Inc.
5. Selma Crusher HOA, Inc.
6. San Luna HOA, Inc.
Present din sina Talisay City Mayor Hon. Gerald Anthony "Samsam" Gullas Jr., maging sina Ms. Marissa Seville Mata-Bearing—Executive Director of the Talisay City Local Housing Office (LHO).
Wika ni Mr. Nazarion Gesim—tagapanggulo ng San Luna HOA, Inc., siya, sampu ng kanyang kasama sa samahan, ay lubos na nagpapasalamat sa LGU at sa PCUP para sa mga socialized housing program na ginawad sa kanila. ###
via | PCUP Visayas
FODV, nagsagawa ng CBT: Braided Rug, Potholder Making sa Talisay City
14 Disyembre 2021
Nagsagawa ng isang Capability Building Training (CBT) on Braided Rug and Potholder Making na may kasamang Gender and Development Orientation ang PCUP-Field Operations Division for Visayas (FODV) para sa 30 kasapi mula sa Bayanihan Habitat Homeowners Association na ginanap sa Habitat Elementary School, Brgy. Concepcion, Talisay City, Negros Occidental sa pakikipagtulungan sa Atty. Pacifico M. Maghari III—Talisay Housing Authority.
Ang mga kahalintulad na aktibidad ay isinasagawa ng Komisyon, sa ilalim ng pamumuno ni PCUP Chairperson at CEO, Usec. Alvin S. Feliciano na naglalayon na magkaroon ng dagdag na kaalaman at kasanayan na handog sa ating mga maralitang tagalungsod.
Namahagi naman ang Komisyon ng starter kits at health kits sa pagtatapos ng pagsasanay at umaasa ito na magagamit ng mga kalahok para sa kanilang mga sarili. ###
via | PCUP Visayas
PCUP FODM, TESDA nagsagawa ng skills training sa Babak, Island Garden of Samal
14 Disyembre 2021
Nasa 30 na mga miyembro ng urban poor organizations (UPOs) sa Babak District, Island Garden City of Samal ang naging mga benepisyaryo ng ginawang oryentasyon tungkol sa TESDA Scholarship para sa Carpentry at Masonry sa pangunguna ng PCUP-Field Operations Division for Mindanao (FODM) noong Disyembre 09 hanggang 10 na ginanap sa New Breeze Pag-asa HOA Community Hall.
Ang mga kalahok sa nasabing oryentasyon ay kabilang sa TESDA Scholarship program na bunga ng pag-endorso ng Komisyon sa ilalim ng pamumuno ni PCUP Chairperson at CEO Usec. Alvin S. Feliciano na patuloy na isinusulong ang pakikipag-ugnayan sa iba pang mga ahensya ng pamahalaan upang bumuo ng ‘partnership’ na magsusulong ng mga karagdagang programa at serbisyo para sa kapakanan ng mga maralita.
Samantala ay naging matagumpay ang oryentasyon sa pangunguna ni Ms. Marilou A. Tarona—PCUP Supervising Area Coordinator, katuwang ang City Planning and Development Office-Human Settlement Division sa pamamagitan nina Ms. Elenita Gian at Punong Barangay, Hon. Johnel Montes. ###
via | PCUP Mindanao
PCUP FODL, nagsagawa ng Accreditation Caravan sa Batangas City
14 Disyembre 2021
Isa muling Accreditation Caravan ang isinagawa ng PCUP – Field Operations Division for Luzon (FODL) noong Disyembre 10 sa Batangas City bilang bahagi ng mass accreditation na patuloy na isinusulong PCUP Chairperson at CEO, Usec. Alvin S. Feliciano.
Dito ay nagpaabot ng kanilang interes ang 40 kalahok sa pagsuporta sa mga programa at proyekto ng PCUP gayundin ng iba pang mga ahensya ng pamahalaan. ###
via | PCUP Luzon
PCUP FODL, nangasiwa ng isang CBP sa Brgy. Outlook Dr. Baguio City
14 Disyembre 2021
Nangasiwa ng isang Capability Building Program noong ika-12 ng Disyembre ang PCUP – Field Operations Division for Luzon (FODL) para sa mga maralitang residente ng Barangay Outlook Drive, Baguio City, sa pangunguna nina FODL Area Coordinators, Mr. Wilfredo Siena, Ms. Pamela Bianca Agres at TOASG, Mr. Lord Cedie Subia na tumalakay ng tungkol sa Organizational Management at Magna Carta for Homeowners and Homeowners Association.
Ang mga kahalintulad na aktibidad ay isa sa mga binibigyang prayoridad ni PCUP Chairperson at CEO, Usec. Alvin S. Feliciano nang sa gayon ay mabigyang pagkakataon ang mga maralitang tagalungsod na mas patatagin at palakasin ang kanilang mga samahan na kinabibilangan.
Bukod sa mga nasabing paksa, binigyang linaw ni Mr. Siena ang mga pamamaraan kung paano magkaroon ng kasiguruhan sa paninirahan katulad ng Community Mortgage Program (CMP), Presidential Proclamation, at iba pang proseso sa pagkakamit ng lupa.
Binigyang diin din ang mga gampanin at papel ng mga ahensya ng gobyerno na direktang may kinalaman sa pamamahagi ng lupa sa mga kwalipikadong pamilyang Pilipino. ###
via | PCUP Luzon